DPMPPT KAB. SLEMAN

Apel pagi pegawai DPMPPT rikolo dino Kemis Pahing, 15 Agustus 2019

Agustus 15, 2019

Sleman-Apel pagi pegawai DPMPPT rikolo dino Kemis Pahing, 15 Agustus 2019, minongko pegawai ing laladan Pemerintah Kabupaten Sleman pendak dino Kemis Pahing diwajibke kudu nganggo busono seragam tradisional kejawen gagrak Ngayojokarto (Peraturan Bupati Sleman Nomer 7 Tahun 2017 lan ugo Layang Edaran Bupati Sleman Nomer 025/00300 tanggal 17 Februari 2017 sing ngatur bab Pakaian Dinas ono ing Laladan Pemerintah Kabupaten Sleman). 

Ora keri kabeh pegawai DPMPPT Kabupaten Sleman sing PNS opo dene non PNS podo nganggo busono kasebut, ono ing apel pagi dino iki sing dipandegani Bapak Riyanto, ST, M.Si minongko Kepala Bidang Perizinan Pemanfaatan Ruang. Pak Riyanto ngajak kabeh pegawai DPMPPT mligine Pejabat Struktural metani aturan sing magepokan Perizinan. Endi sing wes trep karo aturan (SOP) lan endi sing iseh mleset, upamane IMB sik kudune 30 dino ono sik keliwat soko 30 dino, ayo podo dirembug bareng bareng digoleki opo sing dadi penyebabe. opo seko masyarakat sik ngajoke izin kurang syarat lan opo pegawaine sing kurang greget.

Ngenani IMB Dispensasi sing iseh kurang seko target sing ditetepke, senajan ora kurang kurang anggone biwara lan sosialisasi ing masyarakat (Kecamatan, Desa, Dusun, Kelompok Masyarakat). Ing kalodangan iki Pak Riyanto ngajak poro pegawai kabeh nyengkuyung kegiatan IMB Dispensasi supoyo opo sing dikarepke (target) iso kasembadan. Ugo dibiwarake anane Pertandingan Olahraga kanggo ngrameake HUT KORPRI Kabupaten Sleman.    

Last modified: Agustus 15, 2019

Comments are closed.